संस्थेचा उद्देश – महाराष्ट्रात विदर्भ मराठवाडा या भागामध्ये ऊस तोडणी कामगारांचे प्रमाण जास्त आहे याचे कारण ते दुष्काळग्रस्त भागातील भूमीहीन शेतकरी आहेत. त्यामुळे त्यांच्या मुलांना चांगले व उत्तम दर्जाचे शिक्षण मिळावे. सोबत देशातील इतर राज्यातूनही कामगारांची येणारी संख्या मोठ्या प्रमाणात आहे. त्यामुळे त्यांनासुद्धा शिक्षण घेता यावे यासाठी हिंदी माध्यमाची शाळा सुरु करण्यात आली आहे. या मागची भुमिका व परिस्थिती :- महाराष्ट्रातील विदर्भ मराठवाड्यातील ८०% लोक हे शेती व पशुपालन यावर अवलंबून आहेत. त्यामुळे यांच्याकडे उपजिवीका करण्याचे साधन हे फक्त रोजंदारीवर कामाला जाणे हेच आहे. मग ते वर्षातील ७ ते ८ महिने हे घरदार सोडून पश्चिम महाराष्ट्रात येतात व शेतकऱ्यांच्या शेतात ऊस तोडणी करुन ते कारखान्यात जावूपर्यंत काम करत असतात. त्यावेळेस त्यांच्या सोबत त्यांची मुलेही येतात. गावी फक्त जेष्ठ नागरिक म्हणजे म्हातारे, कोतारे, वयस्कर लोक राहतात. त्यामुळे राज्यसरकारने १९६० मध्ये राज्य साखर कामगार महासंघाची स्थापना केली व कामगारांना संरक्षण दिले परंतू ते १९८० पर्यंत यावर काही पावले उचलली गेली नाहीत, फक्त स्थापना झाली परंतू त्यांचा रोजगार काही वाढविला नाही. त्यावेळेस मात्र या कामगारांनी संप पुकारला. त्यानंतर त्यांना रोजगार मिळाला मात्र शैक्षणिकदृष्ट्या सक्षम करता आले नाही. यानंतर मधल्या काळात ..अधिक वाचा